Kumin chhung atana a vawikhat nan January 20 chawhnu khan Hnahthial Sub-Division chhunga Crime Review chu SDPO Office chamber-ah neih a ni a, meeting-ah hian Hnahthial OC, Thingsai OC leh S. Vanlaiphai OC incharge te bakah heng Police Station leh Outpost-a Literate Constable te kim takin an kalkawm a ni.

Meeting-ah hian SDPO Pu Bruce Vabeihrokhai chuan nikum 2014 chhung khan Hnahthial Jurisdiction hnuaiah case 33 ziahluh a ni thu leh heng zinga case 28 chu charge sheet siam a nih thawh thu leh case 5 chu pending mek a nih thu a sawi a, SDPO chuan police te inpekna leh thawhhona a that avangin boruak pawh a nuamawm thawkhat hle a, mahse hmabak tam tak kan la nei a, chungahte pawh chuan hei aia nasa zawk leh taima zawkin kan thawkho zel tur a ni tiin meeting a kal Police te a fuih a ni. Mipui te thlamuanna an nih tih inhrenawn tur leh case investigation pawh chak zawka kalpui a nih theih nana tan la tlang turin an infuih bawk a ni.