4837/2024-2025

Dated Hnahthial, the 26th March, 2025: Hnahthial Police Duty te chuan an thu dawn bawhzuia tlaivara an chan hnuah tukin zing khan Khawhri-ah leh Tuichang lei bulah Heroin no. 4 hawng sawmthum pakua (39), gram zali sawmnga pakua point pahnih pahnih (459.22) an man a. Heng ruihhlo an man te hi tualchhung rate chuan cheng nuai sawm pathum, sing sarih sang sarih za ruk sawmruk (Rs. 13,77,660) man ni a chhut a ni.

Khawhri-a Heroin an man hi gram zahnih sawm pasarih point pahnih pahnih (217.22g) (hawng 17) niin tualchhung rate chuan cheng nuai ruk sing nga sang khat za ruk sawmruk (Rs. 6,51,660) man hu a chhut a ni a. Isak Lalhriatpuia, kum 35, Lalhmingliana fapa, Farm Veng, Lunglei leh R. Lallawmawma, kum 21, R. Vanlalpeka fapa, Ramthar, Lunglei te bagpack atanga an man niin an phurhna Scooter, Ray Z dum leh an mobile phone pawh an man tel bawk a ni.

Tuichang lei bula an man hi gram zahnih sawmli pahnih (242g) (hawng 22) niin tualchhung rate chuan cheng nuai sarih sing hnih leh sang ruk (Rs 7,26,000) man hu a chhut a ni a. A phurtu, Lalhunmawia, kum 25, Dawtchhunga fapa, Saikuti Veng, Thingsai leh Lalhmangaihsanga, kum 31, Ricky-a fapa Ramthar Veng, Lunglei te hnen atanga man niin an phurhna lirthei, Alto 800 leh an mobile phone an man tel bawk a ni.

Vawiin vek khan Hnahthial Police te chuan thil tih tul pawimawh hrang hrang buaipui nghal in case an register fel a. An mi mante hi Lunglei lamah hruai nghal an ni.