Vawiin chawhma dar 11:00 khan Market Building Hall Hnahthial-ah National Voters' Day Vawi 8-na hman a ni a, Pi Lalhruaitluangi, MCS, SDO (C) & Electoral Registration Officer (ERO) 29th South Tuipui Assembly Constituency chu khuallian a ni a, he hunah hian vote nei thar te hnenah Electoral Photo Identiry Card (EPIC) hlan nghal an ni bawk.
He hun Pu Lalnunpuia Ngente, SDO (C) Office kaihhruaiah hian thu sawiin khuallian Pi Lalhruaitluangi chuan Electoral Roll-a chuan loh hi kan hlau thin a, EPIC neih pawimawhna kan hria a, mahse EPIC neih ringawt hi a tawk lo a ni tih hria ila, tun tuma kan thupui hi Accessible Elections tih a ni a, Election hi awlsam taka kan tih theihna turin Election Commission in ruahmanna nasa tak a siam a, kawng hrang hrangin hma la a, vote thlak tur te tan polling station hi hmun nuam tak a nih theihna atan a buatsaih mek zel a, kan thupui pakhat Greater Participation for a Stronger Democracy chu mipui rorelna democracy hi tun aia chak leh zual leh thil tithei zawka siam tura voters ten vote kan thlak ngei hi Election Commission chuan duh em em a ni, a ti.
Pu H. Zohmingthanga Booth Level Officer (BLO) Hnahthial-IV pawhin thu a sawi bawk a. He hunah hian khawtlang hruaitu VC te, YMA hruaitute, Govt. Higher Secondary School leh Govt. Hnahthial College zirlai te bakah chanchinbu mite pawh an tel bawk a ni.
Attachment
- Loading attachment...
