2195/2024-2025

Dated Hnahthial, the 24th September, 2024: State Election Commission thuchhuah angin vawiin khan Hnahthial South-II huam chhunga Village Council member pakhat thlan thatna, VC By-Election chu Govt. Primary School VI ah tluang taka neih a ni a. Vote hi zing dar 7 atanga tlai dar 5 thleng thlak theih tura hawn niin vote hi chhiar nghal a ni.

ZPM candidate, Pu V. Lalduhawma chu thlan tlin niin a hnuai ami hi party candidate tinte vote hmuh dan a ni.

1. Pu V. Lalduhawma (ZPM) - Vote 294

2. Pu Lalthuthlungliana (MNF) - Vote 198

3. Pu C. Vanlalhruaia (INC) - Vote 121

Electoral roll tarlan danin Hnahthial South-II VC ah hian vote nei mi 875 awmin chung zinga 420 chu mipa niin 455 chu hmeichhia an ni a. Vote tla zawng zawng hi 618 niin vote awm zawng zawng atang 70.628% a tla a. Heng vote tla zingah hian mipa vote 304 awmin hmeichhe vote tla 314 a awm a ni. Vote tla 618 zingah hian vote panga (5) chu thiin a vaia vote nung tla zat hi vote 613 a ni.

He inthlanna neih zawh takah hian kum upa vote thlak (old voters) - Pu Kalrúma, kum 96 leh Pi Vanmawii, kum 94 te an awm a ni.