2196/2024-2025

Khawzawl, dated 24th September, 2024: Tukin zing dar 7:00 am atang khan Khawzawl Dinthar Village Council (VC08013) member thar tur inthlanna (by-election) neih tan a ni a, tlai dar 5:00 pm thleng vote thlak a ni a, ZPM Candidate, Pu Lalhmingsanga chu thlan tlin a ni. Pu C. Vanlalena, Khawzawl Dinthar Village Council member ni thin boral ta a thlak ang.

He inthlanah hian contesting candidate mi 3-te vote hmuhdan chu

1.   Pu K. Lawmthanga, INC vote -128

2.   Pu R. Rohmingliana, MNF vote -212 

3.   Pu Lalhmingsanga, ZPM in vote -213 

Vote thi 1 a awm bawk.

Khawzawl Dinthar electoral roll-ah hian voter 797 awmin mipa 394 leh hmeichhia 403 an ni a, Vawiin VC By Election ah hian vote 554 tlain voter hi 100 a 69.51 vote ang an ni (69.51% voter turnout).vote theihna hmun hi polling station pakhat Govt. Little Flower School-ah siam a ni.

Hetih lai hian Chawngtlai VC By Election neih tur a lo ruahhman chu seat 5 awmah candidate te chuhtu awm lo a chak a puan a ni a,candidate-te chu a hnuai a mi te hi an ni:

1. Pu PC Sangzawna MNF

2. Pu Lalhmutluanga INC

3. Pu Lalnunsanga ZPM

4. Pu HC Lalrinenga ZPM

5. Pi Biakremmawii ZPM te an ni.

Khawzawl DC chuan Election neih dawn vanga Chawngtlai khua a chawlh a lo puan tawh chu inthlang lova uncontest a tlinga puan an nih tak hlawm a vangin chawlh puanna a sut leh nghal bawk.