3739/2024-2025

Dated Hnahthial, the 9th January, 2025: Vawiin chawhnu dar 02:30 khan Hnahthial Superintendent of Police, Pu Shivam Siddharth chuan a office chamber-ah Hnahthial District chhunga thuthar lakhawmtute chu thingpui a inpui.

Hnahthial Superintendent of Police, Pu Shivam Siddharth chuan kum kalta, 2024 chhung khan Hnahthial Police-te chuan Hnahthial District chhungah Criminal Case sawmruk panga (65) an ziah luh thu sawiin heng case-ah hian thil tisualtu a puh mi sawm sarih panga (75) man an nih thu te, thil tisualtu zingah hian za zela sawmkua pahnih (92%) lai man an nih thu te a sawi a. Christmas 2024 leh Kumthar 2025 vuakvetah Hnahthial District chhunga NGO hrang hrang - Sub-Hqrs YMA, Village Council, MJA leh Village Defence Pary (VDP) te nena thawhhona tha tak an neih avangin harsatna leh buaina awm lovin he hunpui hi mipuite tana muanawm leh ralmuang takin an hmang thei chu lawmawm a tih takzet thu a sawi bawk.

SP chuan Mizoram sawrkarin Christmas 2024 leh Kumthar 2025 vuakveta halpuah, halmawi leh puak thei thil hrang hrang khapna thupek a chhuah chu Hnahthial District chhungah chuan am zawm tha hle ni a a hriat thu a sawi a. District chhunga NGO hrang hrangte nena an thawh hona that vang mai bakah MJA lam ten an puanzar that sak vang anih thu sawiin Hnahthial District mipui leh NGO zawng zawngte chungah lawmthu a sawi a ni.