3738/2024-2025

Saitual, 9th January, 2025: Minister of State, Prof. Lalnilawma chuan 48th Keifang Local tournament kharna hun a hmanpui a, a bial chhunga hmasawnna hnathawhte a tlawh nghal a ni.  

Minister Prof. Lalnilawma hian 48th Keifang Local Tournament (Keifang GSA Golden Jubilee 1974-2024) kharna hunah hian thu sawiin, Keifang GSA in Golden Jubilee a thleng thei chu lawmawm a tih thu a sawi a, hruaitu lo ni tawhte fak leh chawimawi an phu hle a ni, a ti. Minister chuan Mizo thalai tam tak ruihhlo bawihah an tang nasa hle a, Sport uar mite chu ruihthlei thilah an insum thin a, chuvangin kal khawm te chu sports lama uar turin a chah nghal a ni. Khawtlang hruaitu te khawtlang mamawh te inthlahrung lova a hnena thlen zel turin a chah bawk a ni.

Keifang Local Tournament hi kum 1977 aṭangin kum tin khelh a ni a. Tun ṭumah hian Final Day 2 ah Bialtu MLA Prof. Lalnilawma'n a hman puia, GSA Golden Jubilee lawmna  Concert neih chhunzawm a ni.  Tin, Keifang aṭanga National leh State level a lawmman la te lawmpuina Certificate hlan an ni bawk.  

Minister Prof. Lalnilawma chuan Keifang Local tournament-a hun a hmanpui zawhah hian Keifang Leitan huam chhunga Panchayat Bhawan sak mek a tlawh a, contractor te chu hna tha taka thawk turin a chah nghal a ni. 

Minister of State, Prof. Lalnilawma hi Pu V. Laldinsanga, Project Director, DRDO, Pu J. Rokima, Addl. SP, Pu Lalzuala, SDO (PHED), Pu Jacob Lalmalsawma, DHO leh khawtlang hruaitu ten an tawiawm a ni.

Attachment

  • Loading attachment...