3737/2024-2025

Aizawl, 09.01.2025: Vawiin khan Minister Pi Lalrinpuii chuan a office chamber-ah Mizoram district tin tan ‘Widow Cell’ a tlangzarh. National Human Rights Commission in Centre, State leh UT sorkar hnena hmaithai te dilna chanvo humhim nan leh an hmakhua ngaihtuah sakna hmanrua atana Widow Cell din tura thurawn a pek bawhzuina a ni a. Ti hian Mizoramah chuan Widow Cell hi district tin a One Stop Centre tinah din nghal a ni. 

Minister Pi Lalrinpuii chuan Widow Cell din hian a tum ber chu hmeithaite hmasawnna tura kawng hrang hranga hmalakna bakah, hmalakna awmsa tih chak leh hmeithaite, an hmalam hun atana ruahmanna tha ngaihtuah sak a nih thu a sawi a. Hmeithaite tuamhlawm leh ngaihsak chu hnam leh khawtlang anga kan tih tur leh kan lo tih fo thin a ni tih a sawi a. Hmeithai-te dikna chanvo humhalh anih theihna turte, harsatna tawkte’n an kawng an lo sah en theihna tura kawng lo kawhhmuha lo puitu ni turte leh hmeithaite thlamuanna thlentu an lo nih theihna turin Widow Cell chu tangkai taka hman a nih a beisei thu a sawi.

Vawiin hun hi Commissioner & Secretary Pi Lalzarmawii chuan kaihruaiin WCD Director Pi Zoramthangi Chhangte chuan Widow Cell din a nih dan leh hmalak dan tur tlangpui a sawifiah a. SWTAW&CD Joint Secretary Pi Zonunthari chuan lawmthu sawiin hun a khar a ni. Hmeichhe pawl hrang hrang aiawhte he hunah hian an kal a ni.

Women Cell kaltlang hian eizawnna neilo ten ei an zawn theih nan thiam thil zir (skill development training) lo ngaihtuah pui te, mipuite tana hamthatna scheme hrang hrang sorkarin a kalpuite lo hrilhhriat a ngaihtuahpui te, an mamawh dan azir a psychological councelling pek te, Dan hmaa an dikna chanvo an hum theih nan legal councelling pek te leh adangte a huam tel thu vawiin hian sawi a ni. Mizoram hi India ram State dang zingah Widow Cell din hmasa pawl a nih thu sawi a ni bawk.