2369/2024-2025

Dated Hnahthial, the 3rd October, 2024: Vawiin khan Hnahthial District-ah Agriculture and Farmers' Welfare Department hnuaia Hnahthial District Agriculture Office buatsaihin lo neitute hnenah inzirtirna leh thlai chi semna - " Farmers' training cum distribution of Rabi seeds under promotion of pulses in North East Region" chu Tuipui 'D' ah neih a ni.

He programme hi Pu MS Dawngliana, District Agriculture Officer (DAO) leh Lalrinzuala, Asst. District Agriculture Officer (ADAO) te chuan kaihruaiin thlai chi (Field Pea leh Zorin Bean) semna leh lo neitute inzirtirna hun hman a ni a. Heng thlai chi semte hi Tuipui lui kama WRC, buh chin lohna hmunah leh Nul a chin atana ruahman an ni.

Field Pea (Chana) hi chhungkaw 20 hnenah pek niin Zorin bean hi chhungkaw 10 hnenah pek an ni a. He programme hi be lam chi (pulses) a Hnahthial District intodelh nan hmalakna kal zel niin khaw dangah pawh kalpui zel tum a ni.