2370/2024-2025

Dated 4th October, 2024 : Sinlung Hills Council-a General Election ni 05.11.2024 (Thawhlehni) a neih turah vote inthlaksak emaw vote thlak nawn emaw a awm lohna'n State Election Commission chuan sub-rule (2) of Rule 56 of the Mizoram (Election to Sinlung Hills Council) Rules, 2019 in thuneihna a pek angin voter zawng zawngte chu a hnuaia Document tarlan engemaw ber hmang hian Presiding Officer/Polling Officer hmaah an nihna tichiang turin a phutin a hriattir a ni: 

DOCUMENT HMAN THEIH TE 

(i)  Elector's Photo Identity Card (EPIC), ECI in a tih chhuah;

(ii)  Aadhaar Card;

(iii) Passport;

(iv) Driving License;

(v)  Income Tax Identity (PAN) Card;

(vi) State/Central Government, Public Sector Undertakings, Local Bodies emaw Public Limited Company-te'n an hnuaia hnathawkte hnena an pek chhuah thin Service Identity Card;

(vii)  Heng Public Sector Banks /Post Office atanga lak chhuah Passbook leh Kisan Passbook;

(viii) Property Documents heng Patta, Registered Deeds, etc. thlalak chuanna;

(ix) Thuneitu mat bikte hnen atanga lakchhuah SC/ST/OBC Certificate leh Residential Certificate;

(x)  Pension Documents, heng Ex-servicemen's Pension Book/Pension Payment Order, Ex-servicemen's Widow/ Dependent Certificate, Old Age Pension Order, Widow Pension Order;

(xi)  Pianphunga rualban lohte hnena Certificate pek, thlalak chuang, thuneitu ruat bikte hnen atanga lak chhuah;

(xii)  Head of Institution-in a tihchhuah Student's Identity Card;

Heng document-te hmang lova vote thlak tir an awma vote inthlaksak leh thil dik lo hmuh chhuah a nih chuan Presiding Officer leh Polling Officer-te'n mawh an phur ang.