2371/2024-2025

Dated: Mamit the 4th of  October, 2024 : Vawiin khan District AIDS Prevention Control Committee huaihawtin HIV/AIDS dona hun hman a ni a, Mamit Field veng atanga Chhimveng Hall thleng kawngzawh (Rally) Pu Jacob Lalawmpuia, District Bawrhsap leh Chairman DAPCC ni bawkin vailiamna a neih hnuah Chhimveng YMA Hall-ah hun hman zui a ni.

Pu Jacob Lalawmpuia chuan thalai, nu leh pa leh naupang thlenga min luhchhuahtu natna tihbaiawm tak HIV/AIDS do tura MSACS te leh helama thawktute'n hun an buatsaih chu lawmawm a tih thu a sawi a, he natna hi a hma chuan mi awm tha duhlote kai tur nia hriat  a ni thin a, tunah chuan mi pangai a kan ngaihte zingah pawh kai kan awm ta a, chhungkaw pa berin a nun dan a uluk loh avanga nupui fanaute kai ta sawi tur pawh kan awm ta a ni a ti. Bawrhsap chuan vawiin a kalkhawmte chu kan bul hnaiah he natna hi do tur a awm a ni tih kan in hriat a tul a, HIV/AIDS natna kai tura a kailawn langsar zual zingah mipat hmeichhiatna, ruihhlo leh a kaihnawih laka fihlim turin zirlai kalkhawm nun la hmang chho mek turte a chah a, Kristian kan nih ang pawhin khawvel thil a kan inthiar fihlim a tul a, he natna do tur hian tan nasa tak a tan la turin a chah bawk.

He hunah hian Dr. Lalthanmawii, District AIDS Control Officer leh Member Secretay, DAPCC ni bawk, Pi Melody Lalramniengi, SDEO, Dr. Lalhlunpuii, Senior Chief Medical Officer leh Dr. Lalrinfela, DMS te'n HIV/AIDS do na atan thusawina an nei a, Dr. Lalrintluangi, Medical Officer, ART leh Dr. Vanlalthazuali Chhangte, Medical Officer, OST-te chuan a lem nen zirtirna an nei bawk.

HIV/ AIDS do na pual hian zirlaite atangin inelna hrang hrang buatsaih niin Placard competition Category thum atangin - HIV Route of Transmission ah pakhatna Vanlalhriatrengi, Cl-VIII MS-III pahnihna ANM School, Mamit, pathumna Lalchhanhimi, Cl-VIII Gov't Agape te an ni a. STI's Sign & Symptoms ah pakhatna ANM School Mamit, pahnihna ANM School Mamit, pathumna Vanlalchhungi, Cl-VIII Hmunsam Public School te an ni. Gateway Drugs and substances abuse prevention- ah pakhatna Lalrochuangkimi, New Diamond School, pahnihna Lalnunpuii, Cl-VIII St. Francis H/S, pathumna VL Rinsiama, Cl-VIII M/S - III te an ni. Gov't Mamit College Red Ribbon Club-te atangin Display of HIV Message stall Pali hawn a ni bawk. Dancing Competition-ah pakhatna ANM School, Mamit, Pahnihna Gov't Mamit College leh pathumna DIET, Mamit te an ni bawk a ni.