1831/2024-2025
Dated Hnahthial, the 29th August 2024: Vawiin khan Hnahthial District Election Officer, Pi Rita Lalnunmawii Pachuau chuan Hnahthiala VC By-Election neih tur atana mipui hriat tur tiang hian a chhuah-
By-Election to Hnahthial South-ll Village Council tahrik Ni.24.9.2024 (Thawhlehni) lo awm turah Inthlanna felfai tak a awm theih nan Mizoram (Election to Village Councils) Rules, 2014 sub rule(1) of Rule 3 leh Rule 56 tang chhanin a hnuaia tarlante hi mipuite'n zawm theuh tura ngen leh hriattir kan ni:
1) By-Election-ah hian dan pangngai ang thlapin Model Code of Conduct a awm a nga, chu chu vawiin atangin Hnahthial South -II Village Council Constituency huam chhungah lekkawh a ni. He Model Code of Conduct hian Political Party zawng zawngte, Contesting Candidate zawng zawngte, Minister-te, Member of Parliament-te, MLA te, MDC te leh Coporator/Councillor-te Village Council inthlannaa inhnamhnawih Public Servant-te te a huam ang.
2) Campaign laiin Loudspeaker/Public Address System hman phal a ni lo. Political Parties leh Candidate ten Public Meeting an huaihawt duh a nih chuan District Magistrate hnenah phalna an la tur a ni.
3) Tahrik Ni.22.9.2024 Hai dar 5:00 PM hnu lamah Hnahthial South-II VC huamchhungah campaign, political party function neih phal a ni tawh lova, Hnahthial South-II VC huamchhunga cheng ni lo pawn lam mi political party worker-te chuan Hnahthial South-II VC area an chhuahsan fel vek tur a ni.
4) Sorkar building leh ram reng rengah poster/flag tar, bang chei phal a ni lo. Kalkawngah luhka (Gate) siam leh Banner tar phal a ni lo.
5) Candidate in RO hnenah phalna la in Motor pakhat hman a phalsak thei a. Vote thlak niah Candidate emaw, a Agent emaw in Vote thlak turte hruai leh thlah nan Motor a hire tur a ni lo.
6) Vote inthlaksak emaw vote thlak nawn emaw a awm lohna'n voter zawng zawngte chu a hnula document tarlan engemaw ber hmang hian Presiding Officer/ Polling Officer hmaah an nihna fichiang turin a phutin a hriattir a ni.
Document hman theih te:
i) Elector's Photo Identify Card (EPIC), ECI in a tihchhuah
ii ) Passport/Aadhar Card
iii) Driving License
iv) Income Tax identity (PAN) Card
v) State/Central Government, Public Sector undertakings, Local Bodies emaw Public Limited Company-te'n an hnuaia hnathawkte hnena an pek chhuah thin Service Identity Card
vi) Heng Public Sector Banks/ Post Office Atanga lak chhuah Passbook leh Kisan Passbook
vii) Property Documents heng Patta, Registered Deeds, etc. thlalak chuanna
viii) Thuneitu ruat bikte hnen atanga lakchhuah SC/ST/OBC Certificate leh Residential Certificate
ix) Freedom Fighter Identity Card
x) Pension documents, heng Ex-Servicemen's Pension Book/Pension Payment Order, Ex-Servicemen's Widow/ Dependent Certificate, Old Age Pension Order, Widow Pension Order
xi) Pianphung a rualbanlote hnena Certificate pek, thlalak chuang, thuneitu ruat bikte hnen atanga lak chhuah
xii) Arms License
xiii) MNREGA hnuaia tihchhuah thlalak chuanna Job Card
xiv) Head of institution in a tih chhuah Student's Identity Card
xv) Health Insurance Scheme Smart Card
Heng document tarlan te hmang lova vote thlak tir an awma vote inthlaksak leh thil dik lo hmuh chhuah a nih chuan Polling Officials-te'n mawh an phur ang.
