1832/2024-2025

2024 Thlazing ni 29: Vawiin khan Lunglei High Powered Committee (HPC) Vice Chairman Pu V. Malsawmtluanga MLA chuan Leitlangpui Higher Secondary School chu tlawhin an harsatnate a hmunah a enfiah.

Pu V. Malsawmtluanga hi Leitlangpui Higher Secondary School Principal leh zirtirtute'n lo dawngsawngin, sikul hmunhma an lo fan kualpui a. An sikul dinhmun bakah, harsatna leh mamawh an neih te a hnenah hian lo thlenin, HPC Vice Chairman chuan he'ng harsatna an neihte hi HPC fund aṭanga thawm ṭhat (repair)-sak an nih tur thu a hrilh a. Thawktute chuan HPC Vice Chairman-in an harsatnate a hmuna a enpui mai bakah, a siam ṭhatsak thei tur chu lawmawm an tih thu an sawi a ni.

Vawiin vek khan Pu V. Malsawmtluanga chuan Lunglei Zohnuai UPC (NEI) Biak In bul lei min chu a hmunah a enfiah nghal a. HPC fund aṭanga siam ṭhatsak an nih tur thu a sawi bawk a ni.