179/2023-2024
Hnahthial the 21st April, 2023 - Vawiin chawhnu dar 1:00 khan DC Conference Hall Hnahthialah Civil Services Day 2023 hman a ni a, he hun hi Pu Lalremruata Sailo SDO Sadar in a kaihruai a ni. Hnahthial District chhunga head of offices leh MJA member te an tel a ni.

Pu R. Lalremsanga, District Bawrhsap chuan thu sawiin vawiin Civil Services Day hian sawrkar hnathawk zawng zawng a huam vek a, a then chu development work khawih te kan ni a, keini District Administration chuan kan thawh ber chu coordination leh monitoring lam a ni deuh ber a, sawrkar hnathawkte hian thawhhona tha kan neih a pawimawh a, dik tak leh tha takin mipui (citizen) ten an hriat duh hrilh thin tur a ni a, thingtlang mite kan office an rawn leng emaw, phone hmang pawh nise, an hriat loh min rawn zawh pawhin tha takin kan chhang thin tur a ni tiin vawiin Civil Services Day-ah hian sawrkar hnathawkte hian kan mawhphurhna leh tihturte i hre thar leh theuh ang u a ti bawk.

Civil Services Day hman naah hian Pi R. Lalramdinmawii, DCPO chuan "Child Protection Services" tih thupui hmangin Powerpoint presentation hmangin thu a sawi a, Dr. Henry Saplalrinliana, Senior Scientist and Head KVK pawhin "Lab to Land Linkage" tih hmangin presentation a sawi a, Pi Betty Lalrinfeli, SDC chuan lawmthu sawiin hun a khar a ni.