550/2022-2023
Hnahthial 19th May 2022: Hnahthial khawpuia Faina leh thinghlimna kawnga hmalakna kalpui mekah UD&PA Department buatsaihin vawiin khan Govt Southern High School Hnahthial-ah Awareness Campaign on Cleanliness & Garbage Free City neih a ni.

He hun hmanpuitu Pu Lalremruata Sailo, DUDO chuan Faina leh thianghlimna kawngah theihtawp chhuahin hmalakna an kalpui zel tih sawiin kumin bikah hian Zirna In hrang hrangah Faina leh thianghlimna chungchang hi inzirtirna kalpui kan tum a, nikum lamah Covid-19 hrileng avangin kan ti hlei thei lova naupang te te atang hian beihpui thlak kan tum a ni tiin bul tan nana Gov’t High School an hman chhan chu School awmna vengah Faina meichher chhi eng thei tura an beisei leh duh a nih vang niin a sawi a, hmalakna an kalpui that chuan Department lam atang pawhin theihtawp chhuahpui an tum tih sawi bawkin Pu Lalremruata Sailo chuan Fai tur hian sum leh pa ani ber lo, chet chhuah a ngai a, bawlhhlawh kan hmuh te hi kan chhar mai a ngai a ni tiin Zirtirtute pawh an zirlaite hnenah Faina leh thianghlimna chungchang zirtir tam thin turin a ngen a ni.

He hunah hian Pu Micky R.Lalenkawla, DEO leh DPC ni bawk chuan Powerpoint hmangin Faina leh thianghlimna pawimawh thu kalkhawmte a hrilhfiah a, Fai hi a nuamin a changkang a, mitinin kan tlin a ni tiin thil eng pawh a awmna hmuna awm loh hian hnawk/bawlhhlawh a ni a, kan bawlhhlawh paih dan chu kan mizia ti langtu a nih thu a sawi bawk a ni.

Gov’t Southern High School Headmaster Pu HF.Lalmuanpuia pawhin Faina kawnga an School hmalakna sawiin Hnahthial khawpui chhung zirna In ah Awareness campaign bul tanna atana an hmang chu lawmthu a sawi bawk a ni.

Attachment

  • Loading attachment...