No.2832/2021-2022
Aizawl, 1st November, 2021: Vawiin chawhnu dar 1:00 khan DC Conference Hall Hnahthial-ah Hnahthial District Bawrhsap Pu R. Lalremsanga, District Election Officer chuan Hnahthial District Draft Electoral Roll a tlangzarh. He hun hi Pi Saizikpuii, Addl. DC, Pu Bijoy Gurung, Addl. SP te pawh an tel a ni.

Inkhawm Pu Lalremruata Sailo, SDO (Sadar) leh Electoral Registration Officer 29th South Tuipui kaihhruai tlangzarhna thu sawiin District Bawrhsap Pu R. Lalremsanga, District Election Officer chuan Election Commission of India (ECI) ruahmanna in kum tin Electoral Roll Revision a awm thin a, January ni 1 kum tling chin tan Roll-a luh theihna tur hawn a ni thin a, chutiang in mithi tawh leh pem tawh te paih a, roll felfai tak neih hi ECI duh dan a ni a, chumi ti hlawhtling tur chuan official te, Political Parties te, Booth Level Officer te leh khawtlanga voters zawng zawngte mawhphurhna a ni tih hre thar leh ila, vawiin atanga tun thla ni 30 thleng hi dilna hun hawn a ni a ti. Bawrhsap chuan kan district chhungah raltlan engemaw zah an awm a, kan u leh naute pawh nise foreigner an nih avangin Roll-a thun hi dan in a phal lo a, amaherawhchu, khua leh tui ngei Hnahthial District 29-South Tuipui Constituency-a awm kum 18 an tlin tawh chuan tu pawh thun kan tum zawk tur a ni, a ti.

Special Summary Revision of Electoral Rolls 2022 Draft Publication a tlangzarh tak 29th South Tuipui Assembly Constituency huamchhungah hian Polling Station 27-ah voter 15,551 awmin mipa 7,629 leh Hmeichhia 7,836 an awm a, mipa leh hmeichhia inthlauhna hi voter 205 a ni. Service Voter 86 a awm bawk. Polling Station 27-ah Hnahthial-IV Polling Station chu voter tam berna niin voter 1,130 an awm a, New Kawnpui Polling Station chu voter tlemna ber a ni a, voter 50 an awm a ni.

Election Officer Pu Lalneihthanga Colney tarlang dain vawiin atanga ni 30.11.2021 chhung hian Electoral Roll a in thunluh leh paih tur nei emaw, diklo lai siam tha duh leh hmun danga insawn duhte chuan mahni bialtu BLO-te hnenah Forms - 6, 7,8 & 8A la chhuakin 01.11.2021-30.11.2021 chhungin documents kimchang nen dilna thehluh tur a ni a. Hun tiam ral hnu a dilna chu pawm theih a ni tawh lovang.

Attachment

  • Loading attachment...