2096/2024-2025

Dated Hnahthial, the 17th September 2024: Vawiin khan DC Meeting Hall-ah Hnahthial DC, Pi Rita Lalnunmawii Pachuau leh Settlement Officer, Pi Esther Leihang kaihhruaiin Hnahthial Land Committee thutkhawmna neih a ni.

He thutkhawmnaah hian Hnahthial DC hovin Hnahthial North-1 area chhunga land lease dilna pahnih leh Land lease renewal dilna pakhat chungchang rel ho niin thutkhawmna a chhawp chhuah ho chu phalna (recommendation) pek tura rel fel an ni.

DC, Pi Rita Lalnunmawii Pachuau chuan thutkhawmna kal, khawtlang hruaitute hnenah thu sawiin Hnahthial chu district thang lai mek a nih avangin ram in pek chungchangah fimkhur a tul thu a sawi a. Tun hun chauh ngaihtuah lovin, nakin kan tu leh fate hun thleng ngaihtuah chunga ram in pek leh a phalna inpek chungchangah fimkhur turin a chah nghal bawk.

He thutkhawmnaah hian Hnahthial area hrang hranga VCP te an tel a ni.