2097/2024-2025

Aizawl the 17th September, 2024 : Vawiin khan PWD Minister Pu Vanlalhlana pisaah Mizoram Truck Owners Association (MTOA) leh Mizoram Truck Drivers Association (MTDA) hruaitute chuan inkawmna an nei a. Deputy Speaker leh Kolasib bialtu ni bawk Pu Lalfamkima chuan a telpui a ni.

He hunah hian MTOA leh MTDA ten Kawnpui-Khamrang kawng chhia avanga harsatna an tawh te sawiin, tun aia chak zawka kawng siam a nih theih dan te an sawi a. A bul tan nan September ni 18, 2024 (Nilaini) hian Minister hovin MTOA leh MTDA hruaitute nen a hmun ngeia enfiah an rel nghal a ni.