2098/2024-2025

Dated Aizawl, the 13th September, 2024 : Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek angin Sr. Superintendent of Police, Traffice, Aizawl chuan a hnuaia mi ang hian thupek a chhuah.

NH-306; Dur Lui (Khamrang) atanga Kolasib kawng siam mek chu chak zawka hna thawh a nih theih nan Superintendent of Police, Kolasib Order No. SP[K)/R-35/2019/835 Dt.13.9.2024 angin, ni 18.9.2024 (Nilaini) atanga ni 20.9.2024 (Ningani] chhung hian zing Dar 09:00 atanga tlai Dar 05:00 thlengin kawngpui khar a ni dawn a. Aizawl lam atanga Kolasib lam pana lirthei tlan ten harsatna an tawh loh nan, ni 18.9.2024 atanga ni 20.9.2024 chhung hian lirthei ke ruk nei (HMV) chin chu Ch. Saprawnga Truck Terminal, Rangvamualah zing Dar 08:00 atanga tlai Dar 05:00 thlengin dan thin a ni ang. Tin, Lengpui lam atanga Sairang lam pan te pawh Sairang Buichali Lei pela kal phal a ni lo.

He thupek zawm lo chu Section 179 MV (Amendment) Act, 2019 hmanga hrem theih an ni.