No.75/2021-2022

Rural Development Block Hnahthial buatsaihin vawiin khan an Conference Hall, Bazar Building-ah Hnahthial District chhunga Village Council tinte tan MNGREGS hnathawh kalpui dan thar Time and Motion leh RD Scheme-te bakah Skill Development and Entrepreneurship chungchang inzirtirna hun hman niin District Bawrhsap leh Project Director DRDA ni bawk Pu H.Dolianbuaia chuan Khuallian niin a hmanpui.

Hnahthial District Bawrhsap Pu H.Dolianbuaia chuan VC te chu an mawhphurhna hrechianga hlen chuak turin a fuih a, "VC te hnathawh pawimawh zawng zawng tih tur hi RD Department kaltlanga pek a nih avangin inkhaidiat vek kan ni a, kan tih tur theuh hi tha taka kan tih a ngai a, chu chuan hmasawna a thlen a ni" tiin "District zawng zawnga te ber kan niin kan vil hneh dawn che u" a ti a. VC inrelbawlna hrang hrangte chu ka thiam lo ti mai lova thiam vek tum turin a chah a ni.

Kangmei laka ram venhim a pawimawh thu leh thing leh mau humhalh that a tul thu sawiin District Bawrhsap Pu H.Dolianbuaia chuan faina leh thianghlimna kawngah tan la thar theuh turina a chah nghal a, "khawtlang inrelbawlna kawngah pawh dan leh thupek kengkawh ngam VC in nih theuh ka duh a ni" a ti a. Khawtlang tih hmasawn nan project chi hrang hrang insiam a ngaih thu leh MLA fund pawh chutianga kalpui a ngaih thu sawiin VC te chu an area tih hmasawnna tur ruahmanna siam a, tun thla (April 2021) chhung ngeia DC Office -a thehlut turin a hrilh a, "Project siam thiam leh tha a piang hna hmasaah kan nei dawn a ni" a ti bawk

He hun hi Hnahthial BDO Pu Lalneihthanga Colney chuan kaihruaiin VC-te chu mithiam hrang hrang ten MGNREGS chungchanga kalphung thar an zirtir bakah Pu Lalbiakkila, SP Hnahthial chuan Dan leh Thupek chungchang zirtirin Pu Lalremruata Sailo, SDO (Sadar) chuan District Administration chungchang a zirtir bawk a ni.

Attachment

  • Loading attachment...