717/2026-2027

Dated Hnahthial, the 26th May, 2026: Vawiin khan Hnahthial DC Conference Hall-ah Hnahthial P&E Department bultumin Awareness Campaign for Grid Connected Rooftop Solar under PM Surya Ghar : Muft Bijli Yojana chu neih ni a ni a, Addl DC, Pu Zothanmawia Khiangte chuan khuallian niin a hmanpui. Awareness programme hi Hnahthial District chhunga Head of Office-te, NGO hrang hrang hruaitute, VC leh Hnahthial District Consumers Union hruaitute an tel a ni.

Khuallian chuan India sorkar-in mipuite hamthatna tur atan ruahmanna scheme tha tak tak a ngah thu sawiin chung zingah chuan vawiina an kalkhawm chhan, PM Surya Ghar pawh hi a tel thu a sawi a. Solar energy chu boruak tha lo tel lova kawlphetha chakna thianghlim tak siamtu, environment friendly tak a nih thu sawiin kan hmalam hun thlir chuan solar energy hi kan uar chhoh deuh deuh a ngaih tur thu a sawi a ni.

Khuallian chuan PM Surya Ghar chu February ni 13, 2024 khan Prime Minister, Pu Narendra Modi an a tlangzarh thu sawiin a tum ber chu chenna in vaibelchhe khat tana rooftop solar plant siam a, thla tin power unit 300 tal a thlawn a pek a nih thu a sawi a. Nakkum 2027 thlenga sum ruahman hi ₹75,021 crore a nih thu tarlangin a dawng thei chin nih pawh a harsa lo a ni a ti a. Scheme dang angin he scheme hnuaia hamthatna dawng tur chuan pawisa thawhchhuah ngai zat bituk awm loh thu sawiin a dawng thei ni tur chuan - India khua leh tui, inchung nei, electric connection nei, rooftop solar atan a subsidy la dawng lo tih a nih deuh mai thu a sawi a ni.

PM Surya Ghar : Muft Bijli Yojana chungchang hi Er. Lalnuntluanga Rokhum chuan Power Presentation hmangin kalkhawmte hnenah zirtirna a pe a, zawhna leh chhanna in a chhunzawm nghal a ni.

He hun hi Pu S. Vanlalchhunga, JE P&E Hnahthial chuan kaihruaiin Pu JH. Lalawmpuia, JE chuan lawmthu sawiin hun a khar a ni.