No.2670/2021-2022
Aizawl, the 21st October 2021 :Ramchhung hmun dang rualin tukin khan Hnahthial District Police te chuan Superintendent of Police Pu Lalbikkila hovin Hnahthial Police Station tualzawlah duty laia Police boral te hriatrengna leh sunna hun urhsun takin hman a ni.

He hunah hian Hnahthial SP Pu Lalbiakkila chuan mahni ram venghim tura hnathawk (duty) mek India Police-te chu Hot Springs (Ladakh) ah October 21, 1959 khan China Sipai ten lambunin India police mi 10 laiin nunna an chan thu leh he thil thleng avang hian India sorkar chuan October Ni 21 chu Police, ram tana nun pete hriatrengna “Commemoration Day” ah puangin ram pum puiah kum tin hman thin a nih thu a tarlang a, India ram State hrang hrangah Ni 1.9.2020 atanga ni 31.8.2021chhunga Police thite hi an vain mi 377 an nih thu leh he hun chhung hian vanneihthlak takin Mizoram Police zingah duty laia hmelma kuta thi an awm lo tih a tarlang bawk a ni

Hnahthial Police Station tuala ram tana Nunna hlan Police boral te zahna leh sunna hun hmanah hian 2nd Bn.MAP chuan Shok Parade an nei bawk a ni.