No.2671/2021-2022
Aizawl, the 21st October 2021 : Vawiin khan Mizoram Youth Commission chuan thalaite ten Music eizawn nana an hman theihna tur dap kawnga a thawhpui North East Wave nen tangkawpin, Mizo thalai, music lama tuimi te leh zaimiten an thiamna hmanga ei an zawn theihna tur atan te, anmahni promote nan leh chawikanna tur atan Musiconnect Asia leh Centre for Creative Excellence te nen thawhhona thuthlung MYC Conference Hall, Khatla an ziak.

Thawhhona thuthlung ah Mizoram Youth Commission aiawhin Dr Vanlaltanpuia, MLA leh Chairman MYC in hming ziakin, Music Connect Asia aiawhin Acting President, Kaushik Dutta, Musiconnect Asia in hming a ziak a ni. Centre for Creative Excellence aiawh hian Mr Shubho Shekhar leh a nupui Sucheta te an lo kal. Subho hi Bollywood Producer niin National Award tum 5 lo la tawh a ni a, a nupui Sucheta hi Vocal Instructor hlawhtling tak a ni bawk.

Musiconnect Asia nen hian mimal leh band promote na tur te, training neihna tur kawngah te an thawk dun ang a, festivals lianah te pho chhuah an nih theihna tur kawngah te hma la in eizawn nana an hman theihna tur a hmalakna kawngah te an thawk ho dawn a ni. Chutih rualin Centre for Creative Excellence for Indian & Western Music te nen thawhona thuthlung hian Mizo thalai talent nei tha tak tak te dapchhuah a, eizawnnana an hman theihna tur a training pek te, Indian Music Industry a hnimluh te leh Bollywood a eizawnna tur dap te a huam tel dawn a ni.