2928/2023-2024

Hnahthial the 4th December 2023: Hnahthial District, 29-South Tuipui (ST) AC a vote tla te chu vawiin hian chhiar a ni dawn ta a. Heta vote chhiar tura ruat Counting Officials te thutna tur chu computer hmangin tukin khan ruat fel a ni.

Randomization thawh khatna leh thawh hnihna te hi November ni 23 leh December ni 2 khan lo neih tawh niin vawiin 3rd randomization hian counting officials te thutna tur a ruat fel a ni.

South Tuipui a vote tla te hi zing Dar 8 a chhiar tan tur niin postal ballot vote chhiar phawt a ni anga, 8:30 atangin EVM vote chhiar tan a ni ang.

Vawiin randomization-ah hian 29-South Tuipui AC Counting observer tura ruat Pu Mohammad Qaiser Abdulhaque, IAS bakah Hnahthial DEO Pu Chuauhnuna, 29 South Tuipui AC Returning Officer Pu Lalvenhima, ARO leh SDO (S) Pu Neng Thianlala leh EO Pu Lalbiakfela te an tel a ni.