No.2436/2021-2022

Aizawl, the 1st October, 2021: Thil tangkai tawh lo, thil tha zawka siam danglam entir siakna 'Waste to Art Exhibition' vawiinah Hnahthialah neih a ni.

Hnahthial District Urban Development Office, UD&PA Dept. in Azadi Ka Amrit Mahotsav leh Faina Hapta, 2021 denchhenin a vawi khatna atan Hnahthial District tan "Thil tangkai tawh lo, thil tha zawka siam danglam entir siakna (Waste to Art Exhibition) buatsaih a ni a, he hun hi Pu Lalremruata Sailo, SDO (S) & DUDO chuan kaihruaiin Pi Saizikpuii, Addl DC chuan intihsiakna hi a hawng a ni.

Thil paih mai mai tur Coconut hnah, bottle, dispo cup, dispo bottle, buara hrui, lehkha chhia leh thil dang dang hmanga siam a, cheimawi he hunah phochhuah a ni a, lawmman te hi naktuk Faina Hapta hawnna hunah sem a ni ang. Anni bakah Hnahthial khawpui chhunga bawlhhlawh atanga leitha siam thin mi 2 chawimawi an ni bawk ang.