No.2437/2021-2022

Aizawl 1st October, 2021 : Vawiin khan Pu C. Lalrosanga, Hon'ble MP(LS) Chairman leh K. Vanlalvena, Hon'ble MP(RS) Co- Chairman hovin Mamit District Development Coordination & Monitoring Committee (DISHA) meeting virtual a neih niin Er. H. Lalzirliana 3-Mamit, Dr. Lalrozama, IAS Member Secretary leh DISHA member te hian DC Conference Hall, Mamit atangin Virtual Meeting hi an tel a ni.

Pu C. Lalrosanga, MP chuan DISHA Meeting chu Central Sorkarin a ngaihpawimawh thu sawiin rualkhai taka hmasawnna kalpui a nih theih nan leh Department hrang hrangte thawhhona tha tak hnuaia hmalakna kalpui a nih theih nan meeting chu neih thin a nih thu a sawi a. Sawrkar hmachhawp leh hmalakna tichaktu ni theuh turin Department hotute a chah bawk.

DISHA Meeting-ah hian Mamit District chhunga Department hrang hrang hnuaia Central Scheme 24 kaltlanga hmalakna report thlirho niin hmachhawp mekte sawiho zui nghal a ni. MGNREGS hnuaiah Zawlnuam Block-ah Ni 70 inhlawhna siam tawh a ni a, W. Phaileng-ah ni 69 inhlawhna siam tawh niin Reiek Block hnuaiah Ni 71 inhlawhna siam a ni tawh a ni. MzSRLM hnuaiah West Phaileng Block-ah Self Help Group 266 din niin, Reiek Block-ah 265 din a ni a, Zawlnuam Block-ah 465 din a ni bawk. DDU -GKY hnuaiah trade hrang hrang 13-ah training pek theih anih thu tarlan a ni a, heng trade training theihte hi General Duty Assistant, Pharmacy Assistant, Front Line Health Worker, Domestic Data Entry Operator, Room Attendant, House Keeping and Food & Beverage service, LMV Driving, Assistant Electrician, Domestic Worker, Tailoring Trainee Chef, Baking Technician, Airline Cabin Crew, Food Beverage Service Steward a ni. DEO/DPC SAMAGRA hnuaiah Mid Day Meal mumal taka kalpui a ni a, School 274 ah target duansa-ah 100% achievement hmuh a ni. Digital India (E-District) hnuaiah kum 2021 - 22 chhungin target 100-ah 63 achievement hmuh a ni bawk. Jal Jeevan Mission (JJM) hnuaiah kum 2019 - 2020 chhungin Mamit District chhung khaw hrang hrangah tui connection neilote pekah target khum a ni.

Social Welfare hnuaiah kum upate tanpuina IGNOAPS 80+ -ah mi 630 te tanpuina thlatin pek an ni a, Kum 60 chunglam mi 1459 te hnenah tanpuina pek an ni bawk. PMMVY hnuaiah September 2020 to 2021 chhungin Zawlnuam Block-ah Beneficiaries 441 an awm a, Reiek Block-ah 122 awmin, W. Phaileng Block -ah beneficiaries 312, an vaiin Mamit District chhunga beneficiaries awm zat hi 875 an ni. National Health Mission, Mamit District hnuaiah mi 96934 covered an ni a, ASHA hi mi 82 an awm mek a ni. Kum 2020 - 21 chhungin nausen thi mi 19 awmin Mipa 12 leh Hmeichhia 7 an ni. DCSO Mamit-in a tarlan danin Pradhan Mandri Ujjwala Yojona hnuaiah 18.9.2021 thlengin gas connection Mizofed Mamit 317, VLH Indane Kawrthah 1699, Liankunga Indane W. Phaileng 2004, KL Indane, Reiek 393,a vaiin 4413 pekchhuah a ni.

Meeting-ah hian Aspirational District hnuaia hmalak tawhna leh hmalakna kal mekte thlirho a ni bawk.

Vawiin DISHA Virtual meeting-ah hian DISHA Member-te bakah NGO's hrang hrang aiawhte an tel a ni.