Nimin (6.3.2019) khan All Mizoram Karate Association (AMKA), General Headquarters chuan Electric Veng YMA Hall, Aizawlah nithum chhung awh tur Mizoram pum huap Karate infiamna kutpui lian ber 22nd AMKA State Karate Championship hawnna neih a ni a, Pu Robert Romawia Royte, Hon’ble Minister, Sports & Youth Services chu khuallian a ni.

Khuallian Pu Robert Romawia Royte chuan, “Ruihhlo ti lo, taima, dikna duh, huaisen, thil ti tak tak thalai Mizoramin kan mamawh a. Mizoram chu India rama fit ber nih sawrkar chuan a tum thu a sawi a. Infiammi Karateka-te chuan lehkha an thiam tur a ni a, an taima ang a, an zirnaah an fail tur a ni lo a; insum theihna leh taihmakna, tumruhna an nei tur a ni, tiin infiammite a fuih a, Karate championship sponsor-tute hnenah lawmthu sawiin, mi hausa zawkte chu sports hmasawnna kawnga sponsor leh Partner-a lo tang zel turin a ngen bawk.

He championship-ah hian Mizorama District hrang hrang Karate Dojo/Club 13 atangin Karate thiam mi 218 zet pung khawmin, International leh National event-a tawnhriat nei tawhte pawh an a ni.

He championship hi ni 8.3.2019; 2:00 p.m-ah Pu Lalruatkima, Hon’ble Minister, Rural Development Department chuan a khar ang.