Home Minister Pu R. Lalzirliana chuan Mizo Hnam humhalh kawnga mi thahnem ngaite hnathawh rah kan hmu thin hi a vanneih thlak a hnam tan a lawmawm tak zet thin a ni a ti. He thu hi vawiin chhuna ama office-a Dr. R.L. Thanmawia siam Mizo Historical & Cultural Map a tlangzarhna a a sawi a ni a. Home Minister chuan hetiang Map tangkai tak zirlai leh tute tan pawha belhchian tlak thahnem ngai taka buatsaihtu Dr. R.L. Thanmawia chungah lawmthu a sawi a. Mizo hnam tan rohlu tak anih zui zel a duhsakna a hlan a ni.

Pu Lalzirliana chuan Mizo hmelma lian ber hlemhletna hi a hun liam tawh se, tumahin chhunzawm tawh lo ila, tiin kan ramchhunga suahsualna hrang hrang do tur pawh hian theih tawp chhuah turin mipui a sawm nghal a. Hel pawl reng reng kan state chhungah hian an tlangnel tur a ni lo a ti bawk.

Vawiina he Map tlangzarhna ah hian Pu Lalthangfala Sailo, President, MAL in inkhawm a kaihruai a. Map buatsaih dan chinchhuak Dr. R.L. Thanmawia’n a sawi.