Vawiin February 3, 2010 hian Mizoram State Co-Operative Union enkawltu sang ber, Board of Directors chu President, MSCU Office, Dawrpuiah nilengin an thukhawm. He hunah hian Board of Directors an kal tha hle. He Board hian Mizorama Co-Operative than dan enin, mi retheite dinchhuahna atan Co-Operative Society thatzia thehdarh a, tuna Society hrang hrangte hi chak lehzuala hma la tura an duh thu te sawiin, hma lakna tur hrang hrang leh mumal zawka inenkawl dan tur tam tak an relho a ni.
MSCU hian Printing Press te neiin khawl chhut ngai a duh apiang tan an chhutsak reng thei a, nikum chhung khan vantlang zinga Society thatna sawi turin khaw 2-ah an feh chhuak a, School/Colleges 4 an tlawh a, Computer Zirna neiin mi 365 hnenah Certificate leh Diploma an pe chhuak hman bawk.
Kumin atang hian College leh University-a Co-Operation Subbject zir te tihphur nan Cash Incentive pek nise tih a rel a; hetiangin-
Under Graduate zirlai mi 5 tan kum khatah tanpuina Rs 10,000/- pek phawt nise;
Post Graduate (Master Degree) zir mi 5 tan tanpuina Rs 15,000/- pek nise, an ti.
He Board of Directors Meeting hi Pu Lianthangpuia, President-in a kai hruai a, Chief Exucutive Officer Pu Lallianzela`n sawi fiah ngaite a sawifiah bawk. He Meeting-ah hian MCAB, MIZOFED, PIGFED, WOMANFED, FISFED ETC State Level Society hotu lu be rte, DIPS aiawhte an tel hlawm a ni. Computer Zirna hi mumal zawka tha lehzuala enkawl an tum bawk.
