Vawiin chawhma dar 11:00 khan Champhai District Kangmei Ven hapta 2020 hawnna inkhawm Champhai Venglai Community Hall-ah hman a ni a. District Bawrhsap Pu Vijay Kumar Bidhuri, IAS chu khuallian a ni.
Forest Department bultum puina a buatsaih he inkhawmah hian khuallian Pu Vijay Kumar Bidhuri chuan Mizo tawng dik taka thu sawiin Ramngaw te hi keimahni chauh nilovin kan tu leh fate tan humhalh that zel tur a ni tiin sawrkar in ramngaw te humhalh that tur a tih hi zawm theuh turin mitin a ngen a. Rawtna siam nghal in khuallian chuan kang venna leh thelhna atan tui dahkhawmna siam sela, chu chu rikrum thil leh kangmei chhuah palhah pawh a tangkai ngei ang tiin kangmei ven kawnga hmalak pui turin mitin a sawm nghal a ni.
He inkhawm ah hian Pu C.Lalhnunpuia, Secretary, YMA Sub-Hqrs. Champhai pawhin thu sawiin Internet atangte in Mizoram - Champhai te a lang vek tawh a, khawvel hmundang atangin miten an dawhkan ah min thlir reng tawh a. Ram kan tihkan leh kangmei chhuak te pawh a lang vek a, khawvel dang mitah pawh kangmei/ramkang te hi ram mualphona anga a lan theih avangin mitinte fimkhur ang u tiin ram tikangtu leh dan bawhchhetute chu dim lova hrem zel a hun tawh a ni a ti. TV a mi ram kang duai duai kan hmuh thin ang hi kan ramah pawh thleng ve thei tho a nih avangin mitinte fimkhur a ngaih thu sawiin Pu Hnunpuia chuan kan ram serthlum leh zawngtah te an damrei thei tawh lova, a chhan chu an duhtawk aia boruak a lum tawh vang a ni tiin kan ram a tui leh ramngaw te hi a chereu loh nan ramngaw humhalh turin mitinte a ngen a ni.
He inkhawm Pu Ronghaka Colney, Acctt. DFO Office kaihhruaiah hian zirlaite bakah sawrkar officer leh VC te an kalkhawm a, zaithiam te zai ngaihthlak a ni bawk. Kalkhawmte chuan ramngaw chereu humhalh turin hetiang hian thu intiamna an chhiar rual:
“Kan ram rohlu, thing leh mau leh nungchate humhalh turin - Ramkang ven leh thelh kawngah, khua leh tui ka nih angin mawh ka phur a, chuvangin keimah anga awm ve turin, midangte pawh ka zirtir zel ang tih ka intiam e.
He inkhawm ah hian Pu C.Lalhnunpuia, Secretary, YMA Sub-Hqrs. Champhai pawhin thu sawiin Internet atangte in Mizoram - Champhai te a lang vek tawh a, khawvel hmundang atangin miten an dawhkan ah min thlir reng tawh a. Ram kan tihkan leh kangmei chhuak te pawh a lang vek a, khawvel dang mitah pawh kangmei/ramkang te hi ram mualphona anga a lan theih avangin mitinte fimkhur ang u tiin ram tikangtu leh dan bawhchhetute chu dim lova hrem zel a hun tawh a ni a ti. TV a mi ram kang duai duai kan hmuh thin ang hi kan ramah pawh thleng ve thei tho a nih avangin mitinte fimkhur a ngaih thu sawiin Pu Hnunpuia chuan kan ram serthlum leh zawngtah te an damrei thei tawh lova, a chhan chu an duhtawk aia boruak a lum tawh vang a ni tiin kan ram a tui leh ramngaw te hi a chereu loh nan ramngaw humhalh turin mitinte a ngen a ni.
He inkhawm Pu Ronghaka Colney, Acctt. DFO Office kaihhruaiah hian zirlaite bakah sawrkar officer leh VC te an kalkhawm a, zaithiam te zai ngaihthlak a ni bawk. Kalkhawmte chuan ramngaw chereu humhalh turin hetiang hian thu intiamna an chhiar rual:
“Kan ram rohlu, thing leh mau leh nungchate humhalh turin - Ramkang ven leh thelh kawngah, khua leh tui ka nih angin mawh ka phur a, chuvangin keimah anga awm ve turin, midangte pawh ka zirtir zel ang tih ka intiam e.
