Hnam inpumkhatna leh chi leh chi inkara buaina a chhuah a, midang te humhim leh an thlavang hauh zawnga hna thawk tha tan Sawrkar Laipuiin chuan kum tin Kabir Puraskar a hlan thin a. He chawimawina dawng thei turte chu state sawrkar chuan an hming pe lutin anmahni an recommend thin a, a dawng tur chu Sawrkar Laipuiin an thlang thin a ni. He chawimawina hi Grade thum a then niin Grade I hian pawisa fai cheng nuai 2 leh thuziak a keng tel a, Grade II hian pawisa fai cheng nuai 1 leh thuziak a keng telin Grade III hian pawisa fai cheng sing 5 leh thuziak a keng tel a ni. Kum tin October ni 2 hian he chawimawina hi Prime Minister-in a dawng te a hlan thin a ni.

Kumin atan hian he chawimawina dawng thei te hming a rawt leh theih a, rawtna te hi May ni 15 aia tlai lova State Sawkar chuan Ministry of Home Affairs-ah an thehluh tur a ni. Hemi chungchang hrechiang duh chuan I & PR Office-ah office hun chungin ngaihven thei a ni e.