Vawiin khan School Education Department chuan Mizoram School Judo Team leh Mizoram School Hockey Team ( U-17 Girls) Team te hlawhtlinna, School Education Directorate Conference Hall-ah an lawm.

Judo Team te hi Pune, Maharastra ah ni 8th-11th January, 2013 chhung khan feh chhuakin Pu V. Biaksanga, CPEO Manager a ni a. Pu Ramngaihzuala, CPEO leh Pi Elizabeth Lalnunmawii Colney, Judo Coach te nen kal in Bronze Medal pahnih Lalnunthari - 44kgs (U-14) leh L. Nunkima- 50kgs (U-14) ten an la a ni.

Hockey Team (U-17 Girls) te hi ni 10th - 15th January , 2013 chhung khan Chandigarh-ah an feh chhuak a, Pu Vanlalsawma, CPEO chu Manager niin Pi C. Lalnunmawii, CPEO leh Pi Lalrothuami, Hockey Coach te nen kalin Runner-up trophy an rawn hawn thung a ni.

Medal leh Trophy lawmna inkhawm hi Pu J.H. Biakmawia , Joint Director of School Education ho in neih a ni a, Medal winner te hi Department-in Cash Incentive pe in Gold - Rs. 3000/-, Silver - Rs. 2000/- leh Bronze - Rs. 1000/- te a pe a ni.