Home Department chuan vawiin khan New Secretariat Conference Hall-ah ah ni hnih(2) awh tur ram dangmi(foreigners) rawn zin te ziahluh leh chhinchhiah dan chungchanga “Worksop and Training on Centralized Online Registration of Foreigners” tih chu an buatsaih a. Workshop-ah hian Aizawl khawpui a Hotel, Guest Houses leh Tour Agency te an tel tha hle.
He Training-cum-Worshop hi Pu Lalhriatpuia, Deputy Secretary, Home Department chuan kaihruaiin Pu Lalbiakzama, Joint Secretary, Home Department chuan Training hi a hawng a. Pu Rodingliana Chawngthu, Foreigner Registration Officer; SP, CID (SB) ni bawk chu Resource Person niin Dan ina a phut anga Foreigner thleng thintu Hotel, Guest House leh Agency hrang hrang tena an mawhphurhna leh hremna an tawh theihte hrilhfiah leh zirtirna a pe.
Pu David H.Lalthangliana, O.S.D, Home Department chuan India Sorkar laipui Project tih hlawhtlin tura pawimawh hrang hrangte leh Indian Passport leh Visa Dan anga Foreigner lo lut ten an Visa in a phalloh thil an tih thin avanga State sawrkar in harsatna a tawh thinte in hrilhhriatna leh chutiang pumpelh tura Tour Agency te pawimawhna leh mawhphurhna te a hrilhfiah a. Pu Krisnendu Das, Scientific Officer, NIC, Aizawl in Practical Hands-on Training a pe bawk a ni.
Sorkar Laipui, Ministry of Home Affairs chuan India ram State hrang hranga Foreigner lo lut zawng zawngte On-line (internet) hmanga chhinchhiah leh an khawsak zui dan thlithlaina ‘Mission Mode Project on Immigration, Visa and Foreigners Registration & Tracking (IVFRT)’ a kalpui mek a. He project hi Hmarchhak state sawrkarte pawhin an kalpui tura tih a nih angin, Mizoram sawrkar pawh bultan tura hma la hmasa berte zingah a tel a ni.
He Project hian sawrkar lam awlsamna mai nilovin, ram leh hnam himna leh inrikrapna, ram chhunga lo zin Foreigner laka in venna te; Tour Agency hrang hrang ten an mikhualte hawihhawm tak leh duat taka an enkawl chunga Ram chhunga an mawhphurhna an hrilh hriat theihna tur leh On-line Registration hmanga mikhualte chhawk zangkhaina leh awlsamna zawnsakna te a keng tel a ni.
