No.1097/2021-2022

Aizawl, the 23rd June 2021: Vawiin chawhnu khan Home Minister Pu Lalchamliana hovin a office-ah tunhnaia Central Jail a Covid-19 vei mi 105 hmuh belh an nih chungchang sawi ho a ni a. He hunah hian Covid -19 hrileng avanga Central Jail inenkawlna a buai loh dan tur te leh Jail tang te himna tur te sawiho a ni.

Central Jail ah hian Covid-19 result hriat hnuhnun berah ni 22.6.2021 khan mi 105 hri vei hmuh belh an ni a, tun dinhmunah mi Covid-19 hri vei 141 awm mekin CCC awmsa bakah ward remchangah CCC siambelhin inkhunghran a ni a. Covid-19 kai awm mek te uluk zawka vil an nih theihna turin viltu tur thawktu dah belh tura hma lak ni se tih a ni bawk.

Central Jail a Covid-19 dinhmun report hi nitin siam ni se tiin rel a ni a. CCC siam belhna atan leh hri darh zel tur venna atana mamawh te mamawh te chhut chhuakin Finance department atanga dawn tawh baka mamawh hrang hrang atana senso tul SDRF atanga pek theih chi te rang taka ngaihtuah a nih theihna turin hma lak nghal tur a ni.

Health department lam aiawha tel ten Central Jail a tang awm mekte zingah Covid-19 avanga damlohna ti zual thei zunthlum leh natna khirh hrang hrang vei sa an awm em tih zir chian a tul thu an sawi a, chutiang mite tan chuan damdawi leh chaw tha mamawh hrang hrangte ngaihtuah sak tum a ni. Psychologist Association lam te be rawnin tang zinga hri veite thlamuan turin hma lak tum a ni.

Vawiina Home Minister kaihhruai meeting-ah hian Home leh DM&R department hotute bakah Prisons, DM&R, Health department lama hotute an tel a ni.

Attachment

  • Loading attachment...