No.549/2020-2021

Minister for Home, DM&R, etc Pu Lalchamliana hovin COVID-19 chungchanga State Disaster Management Department hmalakna leh hnathawh hrang hrangte bakah kan hma lawka fur lo thleng tur atana inruahmanna te nimin (22.4.2020) khan Minister pisa ah department hotute nen sawiho a ni.  

COVID-19 hripui leng mek chungchangah State Disaster Management Authority chuan National Disaster Management Authority, Ministry of Home Affairs in kaihhruaina a rawn duan angin hma a la chhunzawm zel a. State sorkarin kum 2019-20 atana SDRF a dawn Rs. 20 crore atang hian COVID-19 dona turin kawng hnih, Component -I leh Component-II hniha hman theih dan a awm a. Component – I hnuaiah quarantine, sample collection & screening atan SDRF atangin 25% (Rs. 5 crore) hman theih niin, Component – II hnuaiah Procurement of essential equipments/labs atan SDRF atangin 10% (Rs. 2 crore) a hman theih a ni.

State Disaster Management Authority chuan MHA kaihhruaina angin ruahmanna siamin chak takin hma a la a. Vawiin thlenga sum pek chhuah tawh dan hetiang hi a ni:

SDRF hnuaiah hian COVID-19 vanga mamawh hrang hrang te la khawm zel turin Ministry of Home Affairs kaihhruaina in a phal chinah hma lak zel a ni a. Kil hrang hranga Mizoram mamawh te pawh zir chian zel a ni bawk.

Kan hma lawka fur lo thleng tur atana Sorkar lo inrinlawk dan tur pawh he meeting-ah sawi ho niin, DM&R department chuan State Disaster Management Authority leh District Disaster Management Authority (DDMA) te kal tlangin chhawmdawlna bakah hmanraw mamawhte a ngaihtuah zel a. DDMA hrang hrangte hnenah 25^th March, 2020 khan Rs. 500 lakh semchhuah niin, District tinah harsatna lo thleng palh theiah rang taka mipuite chhawmdawl thei turin department chuan ruahmanna a siam a ni. DDMA / District tin DC te hian tunah hian SDRF hi an kawl tha a, a tul dan a zirin release belh zel tum a ni bawk a ni.