1154/2025-2026

Dated Aizawl, the 11th of July, 2025: Home Minister Pu K. Sapdanga chuan vawiin khan Fire & Emergency Services (F&ES) Conference Hall, Hunthar-ah department hmalakna thlirletna hun chu khuallian niin a hmanpui a. Minister hi F&ES-a thawktute chuan kangthelh leh chhanchhuah hna an thawhna hmanrua leh lirthei te an lo entir bawk a ni.

Khuallian Pu K. Sapdanga chuan F&ES Department chu kangthelh baka an hnathawh pawimawh tak, rikrum thil leh chhiatna thleng thut thinah an hnathawh chu a hlu a tih thu a sawi a. Minister chuan ruahmanna fel tak awm lova thang zel, kan khawpui te than dan mil a hnathawh dan ngaihtuah a pawimawh thu sawiin, F&ES Department chu vantlang tana thawk tur leh chhiat tawhnaah hmatheh tur atana sawrkar in rin ngama a rawihte an nihna lai hre reng tur leh he mawhphurhna rorum tak hlenchhuak tur hian mipuite nena thawhhona tha nei turin a fuih bawk a ni.

Hun kaihruaitu Pu Vanlalmawia, Home Department Secretary pawh in thu sawiin, F&ES Department chu nunna chan hlauhawm khawpa hnathawhna a ni a, sawrkar hnathawh dan a danglam hret hret avang leh khawvel inlinglet chhovah kan hun tawn tur sawi lawk a har chhoh zel avangin eng chhiatna pawh hmachhawn thei, ‘multidisciplinary, multi-hazard force’ anga in zirtira inbuatsaih chhoh a ngaih thu a sawi a ni.

Vawiin Fire & Emergency Department hnuaia hmalakna hrang hrang thlirletna hunah hian F&ES Director Pu C. Lalruaia chuan Power Point Presentation hmangin department hmalakna te, an inrelbawl dan te, an hnathawh leh hlawhtlinna te, multi-hazard response force an nih dan te, Home Guard & Civil Defence-te nen a an thawhho theih dan te leh an hmachhawpte a tarlang a. Hemi zawh hian sawihona hun neih a ni a. Khuallian Pu K. Sapdanga chuan tlipna thu sawiin, Pu PC Lalduhthlanga, Home Department Joint Secretary (P) chuan lawmthu sawina hun a hmang bawk a ni.

F&ES Department hnuaiah hian Fire Station 14, kangthelh motor (fire tender) 47 leh kang\helh bike 4 a awm mek a. 15th Finance Commission Grant-in-Aid Phase-I kaltlanga bungraw lei te chu a hnuaia tarlan ang hi a ni.