Vawiin tlai dar 3:00 khan Home Minister Pu R.Lalzirliana hovin ama office chamber ah Police, Home Department, DC, Fire & Emergency Services leh Central YMA hotute nen sorkar huaihawta kum 2013 krismas leh 2014 kumthar hman dan thlirletna an nei a. Meeting chuan heng hunpuia halpuah leh puak thei chi dang hal khapna chu kenkawh chhunzawm zel tha a ti a, sorkar buatsaiha halmawi hal chu chhunzawm tawh loh ni se tih leh concert chu neih chhunzawm ni se tih te a rel a. Veng /kawtthler chei chungchang pawh sawihovin a thei apiangin mahni remchan leh phak tawk anga chei chhunzawm zel ni se tiin an rel bawk. Sorkar department, kawngpui dunga office building nei te pawhin heng hunpuiah hian chei thin tura ngen ni se tiin rel a ni bawk a, veng thenkhat ten mi thahnemngai te inphalna zara mawi tak taka an veng leh kawtthler an cheimawi thin chu lawmawm tiin vawiin meeting ah hian sorkar-in a hriatpuina leh lawmthu sawi nan heng vengte hnenah hian lawmpuina thilpek Home Minister hian a hlan nghal bawk a ni.

Pakhatna : Ramhlun Veng

Pahnihna : Bungkawn YMA

Pathumna : Chanmari Branch KTP.