3245/2022-2023
Aizawl, the 13th January, 2023: Vawiin khan Home Minister Pu Lalchamliana hovin kum 2022 Krismas leh kumthar laia Prohibition of Firecrackers chungchang thlirletna meeting SAD Conference Hall-ah an nei.

Home Minister Pu Lalchamliana chuan member kal zawng zawng chungah lawmthu sawiin nikum krismas leh kum thar laia halphuah hal khap chungchanga dan kengkawhtute thawhrimna leh, NGO hrang hrang leh kohhran te hmalaknaah lawmthu a sawi tak zet zet a. Minister chuan sawrkar phalloh thil zuar leh leitute chuan an rilru put hmang thlak se, khapna bawhchhiaa hal leh zuar nih hi thil zahthlakah ngaia inzirtirna pawh uar leh zual a kal pui a, kum lokal leh turah mipui zirtirna uar lehzual a kalpui ni se a tih thu a sawi a ni.

Kum 2022 krismas bawr velah chuan halpuah leh halmawi te hi puak lo ang a nih thu ngaihthlak a ni a, kum tharah erawh minute 35 vel chhum lo chat lova hal a ni a. District dang zawng aiin Aizawl District ah halpuah ri leh man a tam a. Kumhlui thlah zanah Police Station hrang hranga case an ziah luh zat hi a vaiin 38 a ni a, a kaihhnawih mi 41 man niin, an thil man te hlut zawng belhkhawm chu Rs 3,77,288/- a ni.

Attachment

  • Loading attachment...