Nimin (15.1.2020) khan Home Minister Pu Lalchamliana chuan Third Battalion Mizoram Armed Police (MAP) leh First Battalion Mizoram Armed Police (MAP) hmun hma tlawhin inkawmhona hun an nei a.

Third Battalion Mizoram Armed Police Headquarters, Mualpui-ah leh First Battalion Mizoram Armed Police Headquarters, Armed Veng-ah hian Home Minister Pu Lalchamliana chuan thu sawiin, Police te chu mipuite thian niin, mipui rawngbawltu leh puitu an ni a, a tulna apianga che thin an ni, tiin a sawi a. Ram ralmuanna venghimtu an nih a vangin mipuite rinngam an nih a pawimawh a, rilru taksa leh thlarau hriselna an ngai pawimawh tur a ni, tiin a sawi bawk a ni. Home Minister Pu Lalchamliana chuan Home Department in hmasawnna a nei a, chungte chu Emergency Response Support System (ERSS), Mizoram Police Safety Act, 2011, All Women Police Station, Aizawl leh Lunglei Police Station hrang hranga CCTV dahte leh Tourist Police te leh thildangah te pawh hmalak mek zel a ni, tiin a sawi a ni.

Home Minister Pu Lalchamliana hian state dang atanga lokal police te thlenna Barrack, Mess te, Police Firing Range siamthatna tur leh kawng siamna te a hmunah enfiahin, Pu L.h Shanliana, IGP (L&O) & DGP (I/C) leh police senior officers dangte’n an tawiawm a ni.