Vawiin khan Home Minister Pu Lalchamliana'n R. Dengthuama Multipurpose Hall, Mualpui, Aizawlah Chavang Kut 2019 chu khuallian niin a hmanpui a, Aizawl a Chavang Kut hman chu Kuki-Thado te tan chauh ni lovin Zo hnahthlak hrang hrang te inpumkhatna atana rah chhuah zel turin duhsakna a hlan a ni.

Home Minister chuan Mizoram leh a chhehvela Zo hnahthlak hrang hrang te hian chhungrilah inunauna leh inngaihna ril tak kan nei a ni a ti a. Zo hnahthlakte inpumkhat leh insuihkhawmna atan hian Sorkar pawh a inhawng hle a ti bawk. Tunhnaia Chin state a a zinnaah Zo/Chin hnam hrang hrangten an identity ti bo chuang lova an inhmantawm tur puan an thlang a, an ni pawimawha an inbel thin chu entawn tlak a tih thu sawiin India rama Zo hnahthlakte pawh hian hetianga inhman?awm tur hi nei ve ila a ?ha hlein ka hria a ni,a ti.

Home Minister Pu Lalchamliana hian tun hnaia Zofate min bei mek tu HIV/AIDS dona ah te, Zirna a hmasawna ram inrelbawl kawnga dinhmun pawimawhte chelh zel thei tur te a tan lak a tul zia a sawi bawk a ni.

Aizawl Chavang Kut 2019 hi Pu C. Chawngkunga, Ex-Minister in Kut Pa niin a hawng a. Pu R. Sangkawia, President, ZORO chu Guest of Honour a ni.

Chavang Kut hi 1979 atang khan mumal taka hman tan niin Manipur state ah  chuan Chavang Kut hman ni 1st Nov hi state holiday a puan a ni.