Vawiin khan Home Minister Pu R.Lalzirliana’n ni 12.5.2018 zing lama Zemabawk Quarry chima thi chhungte hnenah ralna leh chhawmdawlna (Ex-Gratia) atan chhiattawk te hnenah Rs. 4,00,000 (Nuai li) theuh a hlan.
Hriat tawh angin Quarry chim avanga a bula lung la mi pali te -
1. Linda Zodinpuii (31) w/o Runrem - Zemabawk Bethel Veng
2. Eudi Lalremzovi (10) d/o Runrem - Zemabawk Bethel Veng
3. Hmingthienghlim (14) d/o Lalrinsan - Zemabawk Bethel Veng
4. C.K Munga (37) h/o Lalhmunliani - Zemabawk Berawlui
te chu lung tla hian a delhhlum a, hemi chanchin hriat anih veleh chhawmdawlna hna kalpui nghal niin sawrkar department hrang hrang ten hma an la nghal a. Zemabawk Local Council te, Zemabawk Branch YMA te leh mi tlawmngai dangte pawh an thawkchhuak nghal a ni. Ruang pahnih hi a ni la la in hmuh nghal a ni a, ruang dang pahnih te chu a tuk Pathianni zing ah hmuh leh an ni.
Vawiin ralna programme ah hian Zemabawk khawtlang hruaitu te bakah sawrkar official thenkhat an tel bawk a ni.
