Zan hnih riaka Mizoram chhim lam tlawha zin, nimina Aizawl lo let Home Minister Pu R. Lalzirliana chuan nimin khan  Hmuifanga Mizoram Police Radio Organisation (MPRO) hmun thar a tlawh
.
Home Minister leh amah tawiawmtute hi SP, MPRO Pu Lalliantluanga\\\'n a lo dawngsawng a. Tunhmaa DC, IB hmun ni thin MPRO hmun atana chei thar chu tlawhin a hmunhma te Minister hian a en a. He office-ah hian awlsam taka chanchin inhriattawn theihna Computer Data Communication leh Radio Repeater Station te dah a ni a. He Computer Data Communication hian Independent Network a hman avangin chhiatrupna (disaster) a lo thlen palh pawh a chhe ve mai lo tura ngaih a ni. Hmuifang bakah hian Durtlang, Mamit, Kolasib, Lunglei, Saiha, Lawngtlai leh Aizawl MPRO hmunah te Computer Data Communication khawl hi bun a ni tawh a ni.

Home Minister Pu R. Lalzirliana hian Mizoram chhim lam a zin chhung hian a Discretionary Fund atangin Tlabung Police tan lawng (speed boat) leina tur Rs. 50,000 a pe a ni.