Home Minister Pu R. Lalzirliana chuan Champhaia Independence Day a hmanpui hnuin Hnahlan tlangdung a fang zui nghal a, nimin khan Ngur khuaa Bharat Nirman Rajiv Gandhi Sewa Kendra Building (BNRGSK) DRDA Champhai hnuaia Rs. 75,000/- a sak a hawng a, hemi zawng hian Vapar Constituency Hall a vantlang inkhawmah thu sawiin Pu Zira chuan Vapar khua in an khawtlang hmasawnna tura ngenna an lo thlente chu a theih anga bawhzuipui a tum thu a sawi.

Nimin tlai khan Hnahlan Community hall-ah vantlang inkhawm neih anih bakah Hnahlan Grape Winery hmun a tlawh a. Hnahtlanah hian riakin tukin zing khan Hnahlan Village Council in Vilage Haat Rs. 1,50,000/- seng a an sak leh Rs. 9,76,000/- senga sak Bharat Nirman Rajiv Gandhi Sewa Kendra Building chu a hawng nghal bawk.

Home Minister hi Pi Lianhmingi, Director, RD; Pu Lalthanmawia, Project Director, DRDA Champhai; Pu Pachhunga, BDO Champhai ten an tawiawm a ni.