Ram chhung hmun dangte rualin nimin khan Tlabung Lunglei District-ah India Indepence Day ropui taka hman a ni a. Pu Lalrinmawia Ralte, Parliamentary chu Khuallian niin a hmanpui. Tlabung khelmualah hnam puanzar pawt pharhin Parade contingent te chibai buk a chhang let.

Khuallian chuan thu sawiin zalenna hi a man a tam a, thisen chhuahnate, tawrhnate, jail tannate atang hmuh thin anih thu leh tawrhna tello chuan hlutna hriatthiam a har thu te, India rama tun dinhmuna ropui taka hlankai anih dante leh Pu Mahatma Gandi a zirtirna te a sawilang a. Sorkari laipui hnuaiah India ram mipute tana kawng hrang hranga hmasawnna a thlenpui dante leh tuna Mizoram sorkar kaihhruaina a Mizoram mipuite tana hmasanna a thlen thute a sawi a. NLUP hmanga sorkar in retheite chhanchhuahna a kalpui mekte pawh a sawilang bawk a ni.

Khuallian chuan Tlabung khua chu khaw pawimawh tak ni thin ram hmasawnna avanga tlema hnufum anga lang mahse nakin lawka hmasawnna kawng pawimawh anih tur thu leh kum za chuang lai kalta a sapho sulhnu hrang hrang la awmte chu roh tul a tih thu leh enkawla cheibawl a humhalh reng a tul thu a sawi. Khuallian hian Dakin hmasa ber te, Police thana hmasa ber te, sap ho lo luhna hmasa vawi hnihna (sap missionary luhna) hmunte tlawhin roh a tul thu leh sorkar in humhalh a ngaih pawimawh thu a sawi.

Parliamentary Secretary hian Tlabung Civil Hospital leh Leprosy Hospital awm chhun te tlawhin an harsatna chipchiar taka sawipuiin tanpuina pawisa a hlan a.