Mizoram State Sports Council bul tuma Mizoram Wrestling Association te buatsaih Mizoram Wrestling Championship 2015 chu vawiin khan Saitual Indoor Stadium ah kharna programme neih a ni a. Bialtu MLA Pu R. Lalzirliana, Home Minister in a hmanpui a ni.

Infiamna lamah chuan wrestling leh inbuan lam a en ngai loh tak a nih thu sawiin Khuallian Pu R. Lalzirliana chuan vawiin a hetiang lam hawi an enchian chuan an en man awm tak a lo nih si zia leh game en ngai loh en thei a ama bial ngeiah a awm chu vannei a intih thu a sawi a. Heng wrestling lam hi mi nazawng tih theih loh thluak leh tharum ngai tak leh mi pian tha leh hrisel te chauh khelh chi a ni a ti a, kan thalaite hian ruihtheih thil zuk leh hmuam ah fihlim in Pathianin min duh anga kan taksa te hrisel a, vawn thianghlim a ngaih thu leh mi hrisel te bula awm chu a nuam a, hrisel leh chaka awm turin infiamna uar zelin taksa vawn uluk te, ei leh in zuk leh hmuam ah te fimkhur a ngaih thu a sawi.

Khawvela nawmsak tum lutuk na hi hrehawmna leh thihna thlentu a ni thei tiin Home Minister chuan heng drugs leh sex hman khawlohna avanga a pawi thui theihzia sawiin pawisawilo naupang leh naute ten an tawrh theih avanga nun uluk turin infiammi kalkhawm te chu a ngen a.

Mizoram Wrestling Championship 2015 khelh mek chu infiammite duhsakna hlanin a khar a ni.

Pu Donny Lalruatsanga MCS, SDO (Civil) Saitual kaihhruai vawiin programme ah hian 20th Senior & Junior (Boys/girls) and cadet (boys/girls) Mizoram hmun hrang hrang atanga lo kal te an ni.