Chief Minister Pu Lal Thanhawla chuan vawiin khan Myanmar Chin State Chief Minister Pu Hung Ngai chu lehkha thawnin tun fur ruahtui avanga tuilian in Myanmar mipui, abikin Chin State a chengte nunna hlu tak leh in leh lo an channaah Mizoram mipui leh amah ngei pawhin an tawrhpui tak zet a ni tih a hrilh a. Lusun chhungte kan tawngtaipui a, tuilian avanga bo te an chhungte nen an inhmuh leh ngei theihnan kan tawngtaipui reng a ni Pu Hawla chuan a ti a. India Prime Minister zahawm tak pawh chhiatna tuarte tanpui tura a ngen thu pawh a tarlang a ni.

Chief Minister chuan he tawrhna nemenlo tak maiah hian in hnungah kan awm reng a ni tiin, chhiat tuarte zawng zawng chu Lal Chungnung Bera’n thlamuanna te, huaisenna te leh chakna te pe zel turin kan tawngtaipui reng a ni a ti.