Vawiin khan Home Minister Pu R. Lalzirliana kaihruaina hnuaiah Coordination Committee on Traffic Management chu Chief Secretary’s Conference Hall-ah neih a ni a, he hunah hian Pu Lalsawta, Finance Minister, Pu John Rotluangliana, Transport Minister, Pu Zodintluanga, UD &PA Minister, Councilor, Aizawl Municipal Cooperation, Principal Secretary, Home Department leh midang tha hnem tak an tel.

He committee hian Aizawl Traffic Management lo zir chiang turin Study Team ruat ni se tiin a rel a.  Aizawl Traffic Management Authority pawh siam ngei a tha tih thu an rel.

Home Minister chuan meeting-a kal te hnenah Aizawl Traffic a ziaawm nana an hmalak te a langin thleng duak duaklo mahse, nasa takin mipui lampang tawiawmna dawn a nih zel avangin lawmthu a sawi a. Traffic Coordination Committee-in nasa zawkin Aizawl nuam siam turin tan a la zel dawn a ni, a ti.

Tun dinhmunah hian Mizoram puma lirthei awm zat hi 209,338 niin, Aizawl District-ah a tam ber a, Mamit District-ah a tlem ber thung. Two Wheeler hi Mizoram pumah 127,886 a awm a, lirthei awm zawng zawng atanga chhutin 61.08% a ni a, Sorkar lirthei awmzat hi 5180 (2.41%) a ni a, mimal lirthei awm zat hi 204174 (97.52%) a ni.