2983/2022-2023
Dated Sialsuk 7th December, 2022: Vawiin khan Home Minister Pu Lalchamliana'n Zofest 2022 Sialsuk a neih mek chu a hmanpui.

Home Minister chuan thangthar ten inpumkhatna hawi zawnga hma an la chu a lawmawm a tih thu a sawi a, zofate chu hmun hrang hrang ah awm mah ila unau kannih avangin kan tobul chhuina kawng a kan thawnthu te a inzul chho ani ati.

Khuallian chuan engtik ni ah emaw zofate chu insuihkhawm ni kan la neih ngei a beisei thu a sawi a, MZP in zofest a buatsaih chu a hlu hle ani, a ti. MZP chu mizo zirlai pawl a nih ang ngei a zirna lamah leh hnam thil ah insawrbing turin a chah a, zirlai kalkhawmte hnenah chuan zirlai kannih lai atang ruihtheihthil leh eirukna do tur in kan rilru kan siam angai ani, a ti .

Minister chuan sawrkar hna in daih lohna chu Mizoram mai nilo hmun dang pawh in an tawn ani tih sawiin, mizoram chhung leh pawn ah sawrkar hna leh sawrkar hna nilo pawh thawk tur a kan in tih paukhauh a tul ani, a ti a. Mizo zirlaite chu khawi hmunah pawh awm mah ila ram pawn atang pawh in kan ram tan hna kan thawk thei ani, a ti.

He program ah hian Dr. L.Thangmawia MLA, chu Uaptu niin zofate chu khawiah pawh awm mah ila he hnam rilru hi a reh lo ani ati. Pu L Thangmawia chuan tawng pawimawhna sawiin zofate zingah tawng chi hrang hrang awm chu kan in hlut sak tawn a pawimawh a ni, a ti a, zofate zinga tawng hman tam ber Duhlian tawng chu zofate kan in pumkhat nan a kan pawm thiam pawh a pawimawh a ni a ti .

Zofest 2022 hi MZP in Sialsuk ah buatsaih in ni 6-9 December 2022 chhunga hman tura duan ani a. He inkhawmpui ah hian zofate hmun hrang hrang atanga palai lo kalkhawm in zofate inpumkhat zel nan thu leh hla leh hnam lam te lantirin hun an hmang a ni.