2984/2022-2023
Sialsuk 8.12.2022: Nizan khan Social Welfare Minister Dr.K.Beichhua chuan Sialsuk a neih mek MZP buatsaih Zofest 2022 a hmanpui.

Ha Zofest hmanna ah hian Dr K Beichhua , khuallian ni bawk chuan thu sawiin MZP in zofate inpumkhatnana an hmalakna ropui a tih thu a sawi a. Hruaitu dinhmun harsat zia sawiin ,hruatu ni tur chuan mahni inphat na nun neih angai ani, a ti. Zofate hi hnam tlem te kan nih avangin inpumkhat a pawimawh hle ani a ti a,kan inpumkhat chuan zirna te, politics ah te leh kawng hrang hrang ah hma kan sawn dawn ani, a ti.

Minister chuan MZP in zirna lama an hmalakna te chu a lawmawm a tih thu a sawi a, hmalam pan chho zel turin duhsakna a hlan a ni. Zirlai te chu Zoram nghahfak annih thu a hrilh a,ram relbawl leh enkawl hna an ko ah ala tla dawn ani, a ti. Zoram neitu diktak kanni tih inhriat a neitu rilru put a pawimawh ani tih sawiin, enge Zoram tan ka tih theih ang tih anmahni theuh in zawt thin tur in kalkhawm te chu a fuih ani.

Zofest 2022 hi MZP hmalakna in Sialsuk ah buatsaih a ni a, ni 6-9 December 2022 chhunga hman tura duan ani. He inkhawmpui ah hian zofate hmun hrang hrang atanga palai lo kalkhawm in zofate inpumkhat zel nan thu leh hla leh hnam lam te lantirin hun an hmang ani.