3121/2023-2024

Khawzawl, 19th December 2023: Zokhawthara Land Custom Station, Immigration Checkpost leh Refugee Camp te an tlawh hnuah Home Minister Pu K. Sapdanga, Excise Minister Pu Lalnghinglova Hmar leh Champhai S bialtu MLA Lt. Col Clement Lalhmingthanga te chuan Champhai lutin - Champhai khawchhunga sawrkar pisa hrang hrang te an tlawh.

DP&AR leh UD&PA changtu Minister ni bawk Pu K. Sapdanga hian Deputy Commissioner Office, Superintendent of Police Office, District Urban Development Office te a tlawh a, Sports leh Excise changtu Minister Pu Lalnghinglova Hmar hian District Sports Office leh Excise & Narcotics Office te a tlawh thung. Office tinah hian office hotu leh thawktu ten Minister te hi lo dawngsawngin, office hmalakna, hmachhawp leh harsatna te an lo thlen a, inkawmna hun tha tak an hmang a ni.

Office hrang hrang te an tlawh kual zawh hian Home Minister leh Excise Minister te hian Champhai NGO hruaitute nen Circuit House-ah meeting an nei ang.